I Voti
ca tri misi è ntra lu lettu,.
nun va cchiù de corpicellu
e nun jata de lu pettu.
I sui figli "trummetari"
la vulianu cunvince
e dicianu: - mamma mia,
ppe ssa vota fanne vince ! -
Ma la vecchia ncapunita
ca perdìadi l'animella
s'è cunvinta e mantenìa:
"mi l'ha dittu Miliella"!
( Miliella è nu vurpune
chi camina e guarda nterra,
ma si va ntra ncuna casa
circa sempre a minte guerra!}.
E li figli, dolerusi,
ripetianu:- mamma mia,
dìcia tuni a che t'ha vistu
ntra sa granne malatia? -
Ntra su mentre quete quete
su trasute due patrosce
se mpesàunu a Colina
de le spalle e de le cosce!
E' currutu u brigateri,
senza fodara alla spata
dissa:- Fermi tutti quanti!
ca sentimu la malata!
Ogne unu le ricchielle
sbalancàudi ppe la sente,
ma si un c'era propriu e supra
nun sentìa quasi nente.
Quantu appena, senza jatu,
se sentìu nu filu e vuce
ed ha dittu: - signu sempre
ccu li previti e la cruce!
Su arrivati avanl'a porta.
dduv'i voti ulla gabina
le pigliali nu scotulizzu
e va pigliale a Colina...
Forse, pensica m'è sbagliu!
Nun è stata Colinell.
Ccu lu cazz'u scotiilizzu
foza n'atra vecchiarella,
chi l'avianu carriata
ccu lu male de lu core,
ea de quannu è fattu u munnu,
chissà llocu ud escìa fore.
N'atru fattu curiusu
va succeda alla Patissa,
chi vulia dare u votu
a Carruzzu, ma cchi fissa !
ehi l'ha dittu:- Stalli queta.
nun tè move, bella mia,
ca Carruzzu ppe nu votu
nun la fa sa porcaria!
Ma Totò ccu patr'Armante
su ammucciati arret'a porta,
quannu ho vistu ch'era sula
se mpesaunu la morta...
Donn'Antò'. ma statt'attentu
ca si fa de sa manera
ppe nca vecchia ncunu jornu
tu cce provi la galera!
Gesù mmiu, mu ccu si voti
cchi ribellu ch'è venutu
nun c'è cchiù na ura e pace,
nun se dorma nu minutu!
Scunti ad unu e nun tè parrà,
scunti a n'atru e guarda stortu,
e te senti certe vote
chi tè vorrà truvà mortu!
Nun c'è cchiù riguardu e stima
ppe cuimpari e sangiuvanni,
nun canusci, si camini,
li guagliuni ccu li granni!
È venuti! u perimunnu!
e ppecchì in nun lu dici
ca s'è persa la trafila
di parenti e dell'amici.
Va ade unu ppe na carta
gira, vota e rimima,
pu tè guarda e chi tè dìcia?:
- tu, si "trumma", bellui miu!
va dde n 'atru ppe na purga
senza sordi nun ta duna
e cunsiglia a lu pezzente:
"ca sta mrnegliu si dijuna"..
lu, però, me fazzu gabu
du Segnure, sia llodatu,
c'a ssu munnu a tante cose
sempre e supra c'è passatu!
Ne vò cchiù si de la cruce,
dduve Ddiu lassàu la pella,
si nne serbanu li porci
ppe ce fa l'ammucciarella?
E pu vincianu e chi fannu?
ncarò pane, ncaró pasta.
Ma chisà quann'è lu jornu
c'u gnorante dìcia: - Basta! -.
... 1952 ...
