U tempu di voti
u lupu è diventatu pecuirellu!
U riccu ppe paura, cum'è notu,
se va mmisc-cannu ccu lu povareìlu !
E ppe mmenzu de Carru e de zu Brunu
i fa chiamare tutti, ad unu ad unu.
"- Venni ca ve damu la cuncima.
ve damu l'ogliu e puru lu sapune.
m'u votu avit'e dare allu patrune'."
Ma lu pezzente, chi suda lu pane,
si l'arricorda tuttu lu passatu.
Ca lu patrune sempre cu nu cane
de quann'è fattu u munnu l'ha trattatu
e mu chi vida le cose mbrugliate.
u vorrà ncuraggiare ccu patate!
Càcchiate mente, ohi gente nustrana!
U riccu è fauzu e ppe la via
mu ch'è mpericiilu ve zuccaria.
Ve fa cum 'allu cane lu guagliune:
si ti lu vida ppe mmenzu le strate
nun ha paura de ncu muzzicune
e sempre ncollu le currad'a petrate:
ma quannu passa pii de ncuna turra
e vida c'alla porta c'è lu cane,
prega li santi e Ddiu c'ogne savurra
se diventassi nu pezzu de pane!
Eccu, guagliune miu, fatigature
mu di'è lu tempu de tè vendicare
tu va d'appressu allu traditure
e ccu mulliche tè fa ncuraggiare.
Si tu duni lu votu a si fetusi
le cose, gioia mia, nun le cangi!
Pu quannu ti li sc-caffa li suprusi
ha voglia ca de sutta gridi e clangi...
