Senza Titolo
e gente se vulianu cchiù bene.
Ccu nu pezzu de pane e na carota,
tributi nun sapianu e nnò pene
E troppe e li timpuni ero ppe lettu,
ma core ne tenianu allu pettu.
Senza le scarpe jìanu girannu,
senza quazuni ntornu allu vllicu,
ma de fa male nun jianu truvannu
allu simile suu ed all'amicu.
Mangiavanu e durmianu tranquilli
e ppe cuverta avianu li stilli.
Ma ccu lu tempu, i cchiù furmicuni
se sunnu mpatruniti de la terra
e disseru alli povari cazzuni:
"Si ve muviti, ve facimu guerra!"
I babani prestu ci hannu crisu
e lu jovu allu collu s'hannu misu.
Cumu lu voe va sutta l'aratru
e tira senza dì: - ohi, ne, ahi -,
u stessu ficia lu ciotu fricatu
e allura cuminciàunu li guai,
chi ancò passamu mù, alli tempi nostri,
ccu dì preghere sempre e patannostri...
U previte escìu ccu la sponza
e l'abbuttàu d'ostia e de pappate:
chissu ha guastatu sempre e mai conza.
e prime, hann'esse e sue si ci ha palate,
sinnò lu munnu sempre alla ruvina
u portadi cuntannu la duttrina.
Ohi Segnure miu! tu me fa rire,
specchi l'affari tui de munnu all'atru
e u vidi ca tè fannu scumparirc?
Ca chissi sunnu tutti granni latri
e ccu lu nume tue, ch' è groliusu,
si cce ammuccianu lu sue, ch'edi fetusu.
E vi, ca si cce pensi veramente,
II munnu è diventatu nu macellu:
u riccu ppe mangià senza fa nente
lu povaru l’ha misu allu tinellu !'
Ma mu statti cuntentu, ohi bahanu,
ca jornu va facennu chianu chianu.
Tu rapa bellu miu cchiù boni s'occhi.
ca vcna tempu chi fatighi e mangi.
derizzi puru si strutti jinocchi
e li malanni tui de menu ciangi.
Mu sì ca si sa fare la furtuna
a cangi e cci la cunti quarcheduna!
E cose cumu vannu. se capiscia.
ca tant'allongu nun ce ponnu jire.
U riccu mangia, viva e mputruniscia.
U povaru nun tena cinque lire
e fa la vita ae l'affrittu cane
mangiannu pimmidori senza pane.
Se vestadi lu riccu de zigrinu
e certe vote se quaza d'oru.
se vivadi la birra ccu lu vinu
e canusciadi allu munnu ogne ristoru.
U povaru, sì e nò, ccu na patata
a vulla e si cce fadi na nzalata.
Pu va dicennu u riccu mprugliune:
"Avim' e fare a guerra allu straneru,
sinnò ccà dintra venadi baffune
e rumpad'e cannile e lu ncenzeru.
se mangiadi li figli e la mugliere
e lu maritu lu mannadi ngalera'".
Vida nu pocu quante porcarie
vonnu fu vide alla povara gente!
Tra tantu ccu se sante avemmarìe,
ancò, cci nn'adi chi cce stann'a ssente.
Però vui dicu iu, ohi trippusciati,
ca chilli tempi antichi su passati.
