RITAGLI
chi tutt'u munnu ancò nun pò capire'.
Ha scriltu:- Mi cce mmisc-cu ccu la mente
ca de vicinu nun pozzu venire.
Cuntatime allu durce e allu cunfettu
e puru a na rasella de lu lettu...!
E vattènnuse na manu alla cucuzza:
Ohi Dipignà!, ppecchì supra de tie
ci ha fattu nasce sa razza de ciucci!
ppecchì nun tè vrigogni e te v'ammucci ! ?.
Tutti lu sannu ca tu gracchi e ciangi
e a dire fissarie te diverti !
Si ti nne dìcia va, tu tagli e mangi
e nue nun putimu sta all'allerti!
E parri sempre cuntra u comunista,
chi cci ha lassata propriu Gesù Cristu!
e me venadi a dire mparu mparu:
- I versi, chi n 'ha fatti su mattuni! -
Ppecchì ccu certi versi arranciatizzi
l'hannu sciacquariatu li pannizzi...
Chisse su gente cumu chillu ciucciu,
chi tena cantre e nun lu pò tuccare.
Si fa na mossa e megliu ca t'ammucci,
sinnò li cauici ti li fa fisc-care!
Si pu le tocchi e contre... ( porcaria! )
aza la cuda, zumpa e piritìa...
Quiannu a persunu è solita a fumare
e pu cce lassa jì ppe na raggiune,
si vida all'atri nun se fida stare
e si l'appiccia puru nu muzzune.
Vidennu versi mu ppe tutt'a via,
mi nn'è venuta puru la gulìa!
Chiangennii su rimaste e ccu dulure
se fìmmine de tuttu Dipignanu,
ca si nne jutu lu superiore,
chi le facìa tuccare ccu le manu:
u Paravisu e l'Angiulu custodiu
e le cucciava de !u Prigatoriu'
Ccu lu curdune ti le ncatturava
e ccu la sponza le benidicìa.
Tutte le cose e Ddiu cce mparava:
u patannostru ccu la letania !.
Tantu ch'era bonu patr'Armante,
cchi le stava facennu tutte sante'.
A sira. la matinu e certe vote
puru la notte le vìdia scinne.
Eranu sperte e puru menze ciote,
ccu leggiu caminare e ccu le pinne
e a chilla porta de nostru Segnure
fìmmine cce vidìa de tutte l'ure...
Ohi Segnure miu quantu n'ha fattu
sutta su munnu tuu ch'è tantu bellu!
Ognunu si cce ammuccia e fa ricattu
e circadi a spoglia lu fratiscellu!
Nu fatighi cchiù ccu gustu,
vida tu si nu de rire,
de na missa giustu giustu
mu se pigliò centu lire!
Pu se gente c'hannu vistu,
iu nun sacciu, a sa Riforma
curro tutti. Forse Cristu
se prisenta d'atra forma?
Chissi nun sunnu cchiù chilli latruni.
Su tutte gente de bbonù casatu,
vida, grannizza e Ddiu, cchi capizzuni
c'u sinnicu è nu fìgliu e deputatu!
Mu chi cummanna chissu persunaggiu,
a pasta vena spissu e la farina,
caniglia, muzzarelle ccu furmaggiu
ha vistu ch'è venuta a margarina ?
Guardie e funtanari ci nn'ha misu,
i scupaturi ppe scupà la via,
quannu cce pensu me vena lu risu,
ca nun se trova cchiù na porcaria...
