U postale
de quannu u munnu è mummu, è ntisu dire
c'u grassicellu all'occhi fa venire'.
Ccu si quattru scascuni de taralli
si l'hannu ncufuzzata la vurzilla
inchiennu pur 'e staffe da ballila'
E ppe truvare u pilu ntra l'ovu,
hannu giratu tutte le matine
fina chi so scippatu le stentine!
Ma muni chi se su pistuniati,
i sordicelli c'hannu ammuzzellatu
si li frica la Curta e l'Avucatu...
Ppecchìi? Ca ppe nu postu, sutta s'umbri,
rozzuliava mi turreri.. (fissa).
Cumu nu lupu. avanti la rimissa,
u vecchiu sciafferista Sarbatuire
l'ha ddittu: - Aspetta, ca si lu patrune!
Ntramente c'aspettava. chillu ciotu
te vida ccu la machina a Maruzzu
e se calau cumu n'aggelluzzu
Quannu de l'ariu senta lu richiamu
e se jèttadi a chiummu allu frascune,
u stessu ficia chillu i gran cazzune !
Ma Sorbature, chi tena l'arrastu
e l'occhi venatrigni de la gatta,
cumu nu cane te trovau la fatta !
De cursa sinne va dduve Maruzzu
e ppe nun perde lu menzu carrinu
de forza se tirau lu meschinu ...
L 'omu eh 'è attaccatu allu dinaru
u sa ca certe vote pò murire
si le fa perde le cinquanta lire?
Maruzzu, ch 'è rimastu nturdunitu,
a cchillu mentre s'è rimastu cittu.
ma partadi a Cusenze ppe derittu
e va dduve lu figliu alla Riforma
ppe cce cunà le cose ccu lu bbonu.
Ma Franciscuzzu. cumu lampu e troni.
a lingua sfoderau de ntra la vucca
e li nn'ha ddittu chi l'ha cummegliatu!
E vonnu dì, ca doppu, l'ha sputatu...
Maruzzu ppe la lingua nun va bbonu,
ca l'hannu dittu tutti allu paise,
ma quannu chille cose si l'ha ntise
caccia de fare lu cacafucune
e spara quattru corpi ntra Cusenze!
E ppe nu nente u nn'ha ammazzatu e menze
de chille gente chi cc'eranu vicine...
Maruzzu è fucusellu du suverchiu!
Se vida eh'è crisciutu ad Ortevecchiu...
Ma simu ciucci nue chi l'abbuttamu,
ccu nu postale chi scinna vacante,
c'armenu ti cce sciali lu trunante!
E nnò ca tè ncufuzzi dduve illi,
cumu la sarda quannu è ntinellata,
ppecchì?. ca pu tè fannu la mmasciata...
Ma si campamu e nun murimu prestu
u munnu s'ha de da na fatticella,
nun criu ca sta sempre ccu la sella.....
... 1950 ...
.
