U Pallune
il fruttivinnularu,
u sa ch'intra Cusenze
nun si cce sta cchiù mparu?
Ca mu jocanu tutti
ccu na speranza granne,
ca vorranu abbullare
li frutti e le capanne!
Ed iu me spagnu e dicuca,
si cce piglianu tutti,
addìu Cusenze bella,
tu resti senza frutti!
I frutti forra nente,
ma u guai u sa chi d'edi,
e'a gente resta senza
da capu e de li pedi...
Vida echi manicomiu,
Ch'è statu su pallune.
cci ha persu a capu u vecchiu,
nun sulu lu guagliune...
Si giri ntra Cusenze,
ppe tè sbriga n'affari,
ad ugne rasa senti:-a Ruma ha vintu a Bari.
u Napuli a Salernu,
Missino ha vintu a Lucca!
e cioti, ricchi e povari
cce rapanu la vucca!
Si va ntra na putiga
ca vò quattru buttuni,
chillu se gira e vota,
e parrà de palluni
Si trasi dù varberi
ppe tè fa carusare,
de cavuci e palluni
nun lassa de parrare!
Si va dduv'u dentista
ppe tè tira nu dente,
si sa minare a cavuci,
un tè fa paga nente!
Pu va duve lu medicu
ca teni nu dulure,
ppe primu t'addimmannadi
si sini jocature!
Tè trappadi la lingua,
tè guardadi la manu,
e a la rizzetta scrivadi:
"ha vintu lu Milanu!" E va ddu farmacista
ccu chillu rizzettune,
embece de na purga
tè duna nu pallune!
Pu va duve lu paracu
ca tè vò cunfessare,
e chillu nun t'ossorva,
si tu nun sa jocare!
Pu vannu e fìmminelle, ccu chilli tunnizzuni,
si cce mina de capu
cridennuli palluni!
Si fa na questione,
e va ade n'avucatu,
cunta "palle" e "palluni",
ca tu tè si sarvatu!
A causa tè vincia,
tè caccia de lu mbrogliu,
però la manu tenate sempre
a lu portafogliu!
Si va duve lu Sinnicu
ca si disoccupatu,
te jetta quattru cavuci,
e gollu è già passata!
Pu trovi lu pezzente,
sedutu a nu spicune,
se preja e sta cuntentu
si parra de pallne !
Pu vidi lu facchinu
ncamatu e menzu mortu,
ccu le valice ncollu
te parra de lu sportu!
Ohi gente de fatiga,
tu puru si nciotata,
eeu sta palluzza piccula
e sa eavuciata,
e nun ce guardi e penzi
ca si dintra na fossa,
e allu nemicu mmanu
ce lassi a "palla" grossa!
.......1951.....