Mercatu neru
a su munnu cce su gente
chi pp'amure di dinari
se jetterrò dintra mari!
L'atru jornu don Saveru.
ppe ce fa mercatu neru.
s'ammucciaù nu pocu d'ogliu.
mu se trova ntra nu mbrogliu!
Su venute tante gente,
l'ho punciutu certamente.
Cchi vidìa!: guardiani,
marascialli, capitani.
Povarellu don Saveru.
Forse, forse era sinceru !.
Quannu ha vistu tante gente
nun sapìa parrà de nente.
Ha pigliatu ppe dì: "Aiutu"!
cadìu niterra ed è svenutu.
Ma ccu chisse giratelle
pò assunnà.... le fimminelle.
'ca ccu chissi marfiuni
nun se tratta ccu guagliuni!
E ci ho fattu nu verbale
ccu lu pipe e ccu lu sale.
Mu i figli, tutti quanti,
se su dati cu briganti:
chine gira, chine rota
ppe truvà la girivota!
Ma si legge c'è daveru,
paga puru don Saveru.
N'ha de chiangere peccate!
ca la gente l'ha mpicate
ccu chill'atru beduinu
de Giuseppe Mannarinu.
L'oglicellu me v'ammuccia
dduv'i porci dduv'a ciuccia!
Nu viditi, sbrigugnati,
ca lu populu affamati?
e si sordi chi nchiuppati
quantu primu.....vi fricati.
... 1944 ...