U fucatu

A su paise. para ca
n 'ha cotu na jestigna:
cc'è chine sgobba e pagadi
e che sinn 'escia a vigna!
S'è riunitu u sinnicu,
presente Lucianu,
u figliu da bonanima
de lu cumpà Gatanu,
chi miniere s'è fattu
pur'illu: mmastu e sella -
e ppe capizza curradi
a minte a firmicella...
Già, tutti i cunsiglieri
stavata l'ho resciuti
sulu ca pacca parranu
e invece sunnu.. muti !
Si cci nn'ha ncunu, cridame,
sopiti a chi ne dicu,
chi si la venta e parra
te dìcia sempre: "oh"!
Guarda cchi t'hannu fattu,
va tenate a nun rire,
ad Apicella mintanu
sulu tri mila lire
e sette pu ne sc-caffanu
a Ruffulu Michele,
chi forse nun le paga
mancu Maruzzu Mele.
Allu cainu, dicica,
ccu quinnici ho minatu
c'u figliu quannu i voti
è statu scustumatu!!
E m'hannu dittu, para ca,
si ud'è malecapitu,
ca sette n'hannu misu
a Miguiellu e Spitu.
Pu quattriu cchi vrigogna,
ne mintano a Totò,
ma cchi riguarda tenanu
sa gente de lu.. "ddò"!
si quattru mila è paga,
pò dire, ogne facchinu,
tantu che paga puru
Michele e Pisciantinu.
Ed a Saveru nostru,
u patre du patrune,
chissu è daveru povaru!
tena nu famigliane,
e l'hannu misu assai:
novanta mila lire!
Cum 'è ca de pagare,
tu mu sopissi dire?
Ma nun vulimu dire
che paga poco o assai.
U bruttu e ca l'ho misu
a tutti s'operai....
... 1954 ...