A fìmmina
|
Ohi gente barbara de
Dipignanu cchid'è su risu supra Gatanu? Forse cchiù megli vue ve sentiti ppecchì allu specchiu nu ve viditi! Chisse su cose chi. bellu miu. nun simu nue, ma le fa Ddiu. Che se fa gabu, iu sentu dire, un ce vò nente e ce pò mmenire! Pu ccu si tempi de baraunna, chi leggia voladi cumu la frunna quannu de l'arhulu cada siccata, de mù sa fìmmina civilizzata... Eh cliilli tempi'. Ih na mullica!. de chilla fìmmina chiamata antica! Cliilla gunnella fin 'a li pedi, chilìa suttana e mù dduv'edi? Chillu capillu longu, pulitu, chillu rispettu versu lu zitu. E mù. Madonna, si rapi l'occhi nun vidi atru: gamme, jinocchi... Si pu se vascianu o quannu scupanu, vidi u jinocchiu e puru supra... Tantu, ne dìcianu. chissà è la moda! Ma a mie para ca c 'è puru froda. Madonna sarvame de su ribellu, ntramente parru de Gatanellu... Povaru figliu, dduve s'è vistu! ca l'ha traditu que Gesù Cristu, chill'aggellotica donna Giosina du sposaliziu chilla matina! Doppo tri anni de soglia e scinna, de notte e jornu vulava mpinna. Durci, sciuccagliuli, c'u le ragava.. e sempre ammollu quasi cce stava. Tante purmisite, ncunu vasune e pu tu chianta cu nu cazzune... Senta s'amicu, ohi Beilisaru. tu su pitignu tènalu caru. t'arricummannu, càcchiacce mente, nun la fa perdere chissa simente ! Certi me cuntanu ca Esterina, chiìla chi contadi e fa la duttrina, a su rivogliu ci ha datu manu dicennu: - Pigliate su Grazianu! - In cunsidaru chiìla Resina, quannu s'è vista ntra sa ruvina! De mele e zuccaru tri mila lire spise l'aviadi ppe comparire. illa de jornu è sempre mpicciata o alla Riforma o alla Mmaculata, a sira stavadi pu ccu la luce e fattu s'aviadi le cose duce! Ccu lu cumpari pu si vò rire, lestu se partadi ccu milla lire. Porta li juri, porta l'anellu ma cca già trovadi chiliu ribellu... Chi ne chi ciangia, chi ne chi grida, ma jamu ni nne a Peppina Guida! A mamma de Petru, zia Peppina, prestu s'azaudi chiìla matina e cum'è solitu alli trappuni, rigistra, scupadi rase e spicuni. Ammuccia zinzuli, caccia la scupa, quannu ha finitu pu saglia supra. Prima de scinne allu gallinaru, spica di travi, ca c'è nu panaru, nu capeccollu, na supressata e se prepara ppe la fellata... Piglia nu gallu e na gallina, tiritùppiti, escia Giosina. - Ca nun lu vogliu vi l'haiu dittu, èccute propriu ca mù m'ha scrittu! dintra su pettu c'è nu vurcanu atru nun vogliu e'a Grazianu! - "Guai!" rispunnadi pu lu satture, 'ppe nue è propriu nu dissunure" Caru guagliune, stattìcce attentu vola la fimmina ccu d'ogne ventu ...... ... 1945.. |
