Comune di Dipignano

Mu ppe lu medicu e mmu ppe la vammana.
sempre alla casa mia la spezzar'a.
Prim 'u punente e mmu la tramuntana
a ssu Cumune, ohì Ddiu!. cchi porcaria!
C'era don Poppe, omu cucuzzignu,
chi pocu se curava du pezzente,
a capu la tenia cu nu lignu.
ma ppe la pinna pue era valente!
Si ccu na carta tè si presentatu,
ti la firmava senza ce guardare.
Vida cchi mmanu chi ci avìa pigliatu...
su parentatu nun putia mancare.'
Mu cce trasutu don Giuvanne Sserra,
ppe la giustizia va na cosa fina!.
se mangia fin'a Ddiu puru la terra,
abbastica l'addura de farina...
Ma cchi criditi. ca sa mangia sulu?
Ce pensa puru ppe li sui parenti.
E gente su rimaste senza culu
ed illu nu li senta li lamenti.
Si teni fame e ad illu te prisenti.
eccu la cosa chi spissu te duna:
- te rira nfacce e te mustra li denti -
ccu chilla facce chi me para d'una...
Se vida c 'a sse cose ha fattu callu!
Ma s'u mme sbagliu, haiu sentutu dire
c'u sinnacu lu fa Totonnu e G ???.
A chissu nun avimu echi cce dire!
E' na persiina hbona veramente.
U dìcia lu luntanu e lu vicinu
ca dduve ncappa nun ce lassa nente
e dduve jiuncia nun ce vò lu ncinu...
Mu cc'è mmisc-catu puru ????-????.
E si tenissò nu pocu de cuda,
me parami na cucchia e cani-lupi
o lupi senza "cani" addirittura!
Du capu chiurbu nun ne parr'e nente,
ppecchì cc'è a pocu tempu a su paise.
Nu vogliu dire cchiù, ma a nente a nente,
ppe lu canusce cce vodi natru mise.
Ma de sa gente cchi ne vò sperare?
ca fannu l'interessi de nu 'atri?
Viu la gente ccu nu carriare,
criu ca cce sta bbonu mmenzu all'atri.
Ma su paise cumu è papalinu!
Si bonu bonu arriva nu cuceheri,
si l'accarizza cumu nu bumminu
e subitu: " Bongiornu cavaleri!"
De lu furnaru nunn 'arraggiunamu.
Mi lu dìcia sempre mamma mia:
-"e cose brutte nu l'annuminamu.
facimune la cruce e arrassu sia!"
E pu, si vorrà dire ncuna cosa,
nun ce abbasterra certu nu giurnale.
ccu su fogliettu nun me para cosa
de ce putire scrive: bene o male!
Aspetta ca cce mmìsc-cu pur'a Cozza
ca l'hannu misu alla commissione.
Se vida ca vò cummannare a forza
e lassa jire la prucessione!
A rrobba de mu avanti nun ne manca,
chiss'è na persunella du Segnure!
Abbastica nun fa cumu la banca
chi s'ha vinnufu fin'a Ddiu le mure!
Pu cc'è Martinu nostru don Filippu,
chi piglia parte puru alle ciampotte.
Però, nun pò piglià mai de lippu
è signu ca nun fa le cose storte.
Si vorrà adire ancò cci ne su tanti,
ma nun li pozzu dì tutt'a na vota.
Lassali pasce ancora chissi santi
nun ti nne ncarricà!, gira la rota!
Mu c'haiu cuminciatu su rusariu,
li santi l'annumignu ad una ad una,
ve parru puru de lu secretariu.
.Nun pozzu fa mancare sa persuna.
Cumu lu gallu fa ccu la gallina:
- a pizzuta e cce fa puru la rota -
ccussì fad'illu ppe ogne matna,
si trova ncuna lorda o ncuna ciota.
Si na fimmina và, chi nun è vecchia,
le fa le carte e la fadi assettare.
le duna ncuna tessera suverchia
e pue cuminciadi a joculiare...
Illu è chi gira tutta la matassa,
ca Giuvanninu nun capiscia nente.
illu ccu una scriva e l'atra scassa
e tira cigna la povera gente.
Ohi gente senza capu. cchi facimu?
ppecchì nu sdirruzzamu se sc-cuppette
e tutti quanti nun ne riunimu
e scapuzzamu tutte se sanguette?
Ohi populu chi si natu cecatu,
ppecchì u li vo rape s'occhicelli?
nun vidi cumu si marturiatu
e si restatu! senza quazunelli ??...

... 1944 ...